Frédéric Wandelère


Premis federals da litteratura 2012

Frédéric Wandelère

 

è naschì dal 1949, viva e lavura a Friburg sco essaist ed editur, in «homme de lettres» dals tuns fins. El ha publitgà lavurs deditgadas a la musica, per exempel davart Hugo Wolf, ed el ha translatà en franzos texts da chanzuns da Schumann, Wolf, Mahler e Schubert. Dal 1988 è apparì sia collecziun da poesias «Leçons de Simplicité», e quest titel pudess esser il program poetologic per la gronda part ch’el ha publitgà en sias collecziuns liricas. Ses plaschair per las chanzuns e per la vusch l’ha intimà da vulair reabilitar la pli enconuschenta chantadura dal 20avel tschientaner, Bianca Castafiore, l’eroxa da las aventuras da «Tim und Struppi».

 

«La Compagnie capricieuse»

Genève, La Dogana, 2012

ISBN 9782940055715

 

L’emprima qualitad da questas poesias curtas è ch’ellas èn ligeras sco l’aria, la segunda è la precisiun dals tratgs caracteristics e la terza è la musicalitad. Salips e libellas, peschs, crabs ed octopus surprendids en lur ballets sutmarins, vischins, vischinas e passants e lura ils morts testards: tuts èn discrets ed efemers e sflureschan en ina minuziusa scienza poetica e cun ina gravitad che fa star tut, mintgatant divertaivla, scritta d’in poet che tschertga stgaglias divertentas che pon salvar in di entir.

 

Prelecziun da l'autur

Frédéric Wandelère legia ina passascha or da sia ovra premiada „La compagnie capricieuse“.

Premis

2012 : Premi federal da litteratura per «La Compagnie capricieuse», Genève, La Dogana.