Irena Brežná


Premis federals da litteratura 2012

Irena Brežná

 

è naschida l’onn 1950 en Tschecoslovachia ed è emigrada dal 1968 en Svizra. Suenter studis da slavistica, filosofia e psicologia è ella s’engaschada per la liberaziun da praschuniers politics sovietics. Dapi il 1981 è Brežná activa sco autura, publicista e schurnalista libra. Sias lavurs schurnalisticas èn vegnida publitgadas en Svizra, en Germania ed en Slovachia e premiadas diversas giadas. En sias ovras litteraras sa fatschenta Brežná surtut cun ils temas da l’ester e da la patria. Irena Brežná viva e lavura a Basilea.

 

«Die undankbare Fremde.» Roman

Berlin, Verlag Galiani, 2012

ISBN 978-3-86971-052-5

 

L’esser ester sco patria – questa furmla inspiranta formulescha la narratura plain temperament dad Irena Brežnás a la fin dal roman. Ina narratura cun duas vuschs. L’ina tutga al passà da la matta giuvna ch’ha bandunà la Jugoslavia per rivar en Svizra e ch’è passada il medem mument da l’uffanza en l’adolescenza. L’autra tutga al preschent d’ina interpreta simultana che translatescha las istorgias da migrants odierns per las autoritads e che transfurma quellas per ils lecturs en ina prosa poetica. L’exil sco metafra paradoxa, observà sco tras ina marella, en maniera seriusa, comica, exacta ed impressiunanta

 

Prelecziun da l'autura

Irena Brežná legia ina passascha or da sia ovra premiada „Die undankbare Fremde“.

Premis

1984 : 1. Premi per la litteratura estra en lingua tudestga da la partiziun per linguistica applitgada da l’Universitad da Berna.

2002 : Premi Theodor Wolff per «Sammlerin der Seelen», Berlin, Aufbau-Verlag, 2003.

2008 : Premi da la Societad d’auturs slovacs, il meglier cudesch da l’onn per «Die beste aller Welten», Berlin, edition erbersbach, 2008.

2012 : Premi federal da litteratura per «Die undankbare Fremde», Berlin, Verlag Galiani, 2012.