Marius Daniel Popescu


Premis federals da litteratura 2012

Marius Daniel Popescu

 

naschì ils 10 da zercladur 1963 a Craiova (Rumania), ha studegià a la Facultad da silvicultura a l’Universitad da Brasov. Suenter la fin dal régime da Ceausescu, ha el fundà la revista emnila Replica ch’el ha manà fin ch’el è partì en Svizra dal 1990. Marius Daniel Popescu è sa domicilià a Losanna nua ch’el lavura sco manischunz da bus. Suenter avair collavurà cun la gasetta Le Passe-Muraille ha el creà dal 2004 Le Persil, ina revista litterara per giuvens talents ed auturs etablids da la Svizra franzosa.

 

«Les Couleurs de l’hirondelle»

Parigi, Editions José Corti, 2012

ISBN 9782714310729

In raquint tendì lung il fil dal metter en bara e sepulir ina persuna, in text extraordinari che sa sviluppa en la memoria da ses narratur. La mort da la mamma animescha ina seria da regurdientschas che sa cruschan cun returns al pajais «da la partida unica» ed al preschent dal scriver e da la vita da famiglia en il pajais che ha retschavì l’emigrant, «nua che ti pendas si placats». Sco il mat d’ina giada siglia er il text cun nus suror bucs e gioga a la «tzourka» ubain gieus electronics a scola sin in telefonin modern. Enragischà en il mund d’ozendi, associescha il text da Marius Daniel Popescu cun in grond gest narrativ la cupitgada istorica d’in dictatur cun ils emballadis poliglots da la verdura. Sco monolog ritmisà è «Les Couleurs de l’hirondelle» in text cun sonoritads insistentas, scrit d’in autur che taidla ils pleds.

 

Prelecziun da l'autur

Marius Daniel Popescu legia ina passascha or da sia ovra premiada „Les couleurs de l’hirondelle“.

Premis

2006 : Premi Rilke per «Arrêts déplacés», Lausanne, Editions Antipodes, 2004.

2008 : Premi Robert Walser per «La Symphonie du loup», Paris, Editions José Corti, 2007.

2008 : Premi litterar dal chantun Vad per «La Symphonie du loup», Paris, Editions José Corti, 2007.

2012 : Premi "de l'Inaperçu" per «Les Couleurs de l'hirondelle», Paris, Editions José Corti, 2012.

2012 : Premi federal da litteratura per «Les Couleurs de l'hirondelle», Paris, Editions José Corti, 2012.