Thilo Krause


Premis federals da litteratura 2012

Thilo Krause

 

è naschì a Dresden l’onn 1977. El ha studegià inschigner ed economia a Dresden ed a Londra ed ha fatg in doctorat a la Scola politecnica federala da Turitg, nua ch’el lavura sco perscrutader dapi il 2008. Sia emprima ovra «Und das ist alles genug» è cumparida dal 2012 en la retscha «Neue Lyrik» en l’editura Poetenladen. Avant ha el publitgà en diversas revistas ed antologia ed el ha survegnì divers premis. Thilo Krause viva e lavura a Turitg.

 

«Und das ist alles genug»

Leipzig, Poetenladen Verlag, 2012

ISBN 978-3-940691-39-2

 

Pleds simpels en in ritmus poetic reactualiseschan en pitschens aperçus e ciclus pli lungs atmosferas e nianzas dal mintgadi famigliar, da spazis urbans e rurals, da la natura viva e morta. Detagls glischents en ina lingua precisa dal preschent e passà da la Saxonia, la regiun d’origin da l’autur, avran perspectivas che transcendan ils cunfins da pajais ed epocas. Questa collecziun da debut persvada grazia a la gronda variaziun da motivs e furmas ed er sco cumposiziun entira bain gartegiada.

 

Prelecziun da l'autur

Thilo Krause legia ina passascha or da sia ovra premiada „Und das ist alles genug“.

Premis

2009 : Premi da lirica da Feldkirch (2. premi).

2010 : Irseer Pegasus.

2011 : Finalist dal Premi Leonce-und-Lena.

2012 : Premi federal da litteratura per «Und das ist alles genug», Leipzig, Poetenland Verlag, 2012.