Massimo Gezzi


Premi svizzer da litteratura 2016

Massimo Gezzi

Massimo Gezzi è naschì l’onn 1976 en las Marcas, ina regiun da l’Italia centrala. Suenter studis e segiurns da lavur a Pavia, Roma e Berna, è el sa domicilià a Lugano, nua ch’el lavura al Liceo cantonale di Lugano 1. Massimo Gezzi ha publitgà ils volums da poesia Il mare a destra e L’attimo dopo ed er il cudesch da poesia triling In altre forme/En d’autres formes/In andere Formen cun translaziuns da Mathilde Vischer e Jacqueline Aerne. El ha realisà l’ediziun commentada Diario del ’71 e del ’72 dad Eugenio Montale ed Oscar Poesie 1975-2012 da Franco Buffoni.

 

«Il numero dei vivi.»

Roma, Donzelli Editore

ISBN 978-8-86843-186-0

 

Massimo Gezzi è ina da las vuschs las pli impurtantas da la lirica taliana sut ils 40. Gia il titel da si’ovra Il numero dei vivi mussa in’avertezza al mund ed a la vita che flaivlenta la dischillusiun traglischanta leopardiana dals anteriurs raquints. L’ovra persvada cun sia densitad che tracta ina idea ferma: acceptar che noss’existenza n’è betg perfetga. Ma per las lecturas ed ils lecturs quintan er ils singuls texts, en vers e prosa, inqual gia chattà ina plazza stabla en nossa memoria.

Premis

2009 Premi Metauro e Marazza Giovani per L’attimo dopo

2015 Premio internazionale di poesia Carducci per Il numero dei vivi

2016 Premi svizzer da litteratura